التعلم الذاتي

[مجاناً تماماً] كيف تحصل على شهادات جوجل الاحترافية المعتمدة مجاناً، وكيفية التقديم على الدعم المالي من كورسيرا

((البوست منقول من صفحة الساعي للتعلم الذاتي على فيسبوك))

[مجاناً تماماً] كيف تحصل على شهادات جوجل المعتمدة مجاناً، وكيفية التقديم على الدعم المالي من كورسيرا

السلام عليكم .. ❤

البوست ممكن يكون طويل شوية بس أنا حبيت يكون وافي الشرح خصوصا إنه يحمل فرصة عظيمة جدا كفيلة أنها تغير من حياتك 180 درجة، وقبل ما نبدأ بنصحك جدا سواء البوست من اهتمامك أو لا،

حاول توصل البوست لأي حد ممكن يستفيد بيه يمكن ربنا يكرمه بسببك (بس لو عاوز نصيحتي؟ حتى لو مش مهتم بتطوير نفسك ولا مهتم بالبوست بالأساس ابدأ اهتم وأقرأ البوست للآخر لأن ممكن تلاقي فيه نقطة بداية رحلة نجاحك بإذن الله ❤

الحكاية ابتدت في شهر 7 اللي فات لما شركة جوجل أعلنت انها شغالة على مسارات وكورسات في 4 مجالات ولو بصيت للمجالات دي هتلاقي إنها مجالات المستقبل و من اكتر المجالات المطلوبة في سوق العمل دا فضلا عن معدل الدخل السنوي للمجالات دي واللي بيتخطى 63,400$ حسب بعض الإحصائيات.

إقرأ أيضا:الدليل الشامل لـ منصة ادراك – Edraak : شرح تفصيلي للتعلم عليها

ومش بس كدة، لأ دا كمان جوجل بتقولك إنك مش مطلوب منك تكون في كلية حاسبات ومعلومات علشان تلتحق بالكورسات دي،

لأ والأعظم إنها بتقول في تصريح إن الكورسات دي واللي لتبلغ مدتها ٦ شهور بتعادل الـ٤ سنين جامعة، وتقدر من بعدها تبدأ مباشرة في بدء حياتك المهنية والتقديم على وظيفة في مجالك اللي اخترته..

و الأهم والأجمل، إنه دلوقتي كل الشركات أصبحت غير مهتمة بالشهادة وكل اللي بتطلبه منك علشان تقدم في وظيفة محترمة هي حجم المهارة الفعلية اللي عندك و خبرتك بجمالك.

>>> اقرأ أيضا: مهارات من جوجل

هل مطلوب منك خبرة بالمجالات دي علشان تقدر تدرس الكورسات والشهادات الاحترافية دي؟

حابب أبشرك بإن الكورسات والمسارات التعليمية (الكاملة) دي مش محتاجة منك أي معلومات سابقة، تقدر تبدأها بـ Zero خبرة سابقة

كل اللي هتحتاجه هو همتك و سعيك ومدى حرصك على تحقيق الهدف.

هل الكورسات دي محكومة بمكان أو وقت معين؟

بُشرى تانية و هي إن كل الكورسات والمسارات دي تقدر تحصل عليها وتبدأ دراستها (من بيتك) من أي مكان على العالم و في أي وقت أنت جاهز فيه

إقرأ أيضا:101 الدليل الشامل منصة زادي – Zadi : أفضل منصة لـدراسة العلوم الشرعية مجانا

كل اللي مطلوب منك تقريبا ٦ ساعات أسبوعيا لمدة ٦ شهور علشان تحصل في النهاية على الشهادة المعتمدة اللي تقدر بعدها تبدأ في التقديم على وظيفتك

والجميل إن جوجل بتقول إنه أكتر من 82% من الطلبة اللي أخدت الكورسات دي عادت عليهم بتأثير اجابي في الكارير بتاعهم سواء كنت طالب ثانوي، أو طالب جامعي،

سواء المجالات دي من تخصصاتك، أو شغوف بيها أو أيا ما كان حالتك فتقدر تبدأ فيها حالاالمجالات المتاحة في الفرصة العظيمة دي هي :- 1 ) project management 2 ) IT support 3 ) Data Analytics4 ) UX Design5 ) Android Development

س/ هل الكورسات والشهادات دي مجانية ولا مدفوعة؟ و إزاي احصل عليها؟

الحقيقة إن التخصصات دي ( واللي كلها ماعدا آخر تخصص ) مستضافين على منصة كورسيرا بتكون غير مجانية، بيتطلب منك اشتراك شهري على المنصة علشان تقدر تحصل على كل الصلاحيات والشهادة المعتمدة في النهاية..

لكن متقلقش أنا مهمتي هنا إني أساعدك تحصل عليها مجانا

كيف تحصل على شهادات جوجل الاحترافية المعتمدة مجاناً، وكيفية التقديم على الدعم المالي من كورسيرا؟

كل اللي عليك بس تتبع الخطوات اللي في البوست دا كويس

إقرأ أيضا:المدخل إلى طلب العلم – للشيخ أنس السلطان ( شيخ العمود ) : ملخص سريع

١# هتدخل علي اللينك دهhttps://grow.google/certificates/

لما تدخل عليه هتفتح معاك الصفحة الرئيسية للتخصصات، زي أول صوة، https://www.facebook.com/alsa3eyy/photos/pcb.520376429350096/520376196016786

كل اللي عليك هتحدد المجال اللي انت محتاجه وليكن مثلا مجال IT Support, وتضغط Learn more هيحولك للصورة رقم 2 https://www.facebook.com/alsa3eyy/photos/pcb.520376429350096/520376249350114

هتطغط على Get Started هيحولك للصورة رقم 3 ، https://www.facebook.com/alsa3eyy/photos/pcb.520376429350096/520376279350111

هتنزل في نفس الصفحة لتحت شوية هتلاقي إنه المسار التعليمي الخاص بيك مقسم لمسارين ، مسار مبتدأ للي معندهمش أي خبرة سابقة ومسار محترف للي عاوزين يطوروا من مهاراتهم السابقة،

ولكن لإنك هنا هدفك تخلص كل المسارات وتاخد الشهادة في النهاية هتطغط علي اول كورس هيحولك للصفحة رقم ٤ https://www.facebook.com/alsa3eyy/photos/pcb.520376429350096/520376306016775

هتلاقيني مشاورلك بالسهم علي Financial aid available اضغط عليها

١# في حال مش مسجل ع الموقع: هتظهر صورة ٥ واللي هتطلب منك تسجل دخولك للموقع، ولو ملكش حساب ومش عارف تسجل إزاي، شوف الخطوات دي هنا:https://bit.ly/3ry9gMr

# في حال مسجل علي الموقع: هتضغط على continue the applicationهتفتح صفحة 6 https://www.facebook.com/alsa3eyy/photos/pcb.520376429350096/520376369350102

علم علي الحجات المطلوبة وانسخ نفس الجملة I agree to the terms above في المربع تحتها وبعدين اضغط Continue هتفتح صورة ٧ https://www.facebook.com/alsa3eyy/photos/pcb.520376429350096/520376392683433

دخل البيانات واللي ع حسب قدرتك المادية، أو خليها كلها zero وريح بالك وهتلاقي مطلوب منك سؤالين محتاج إجابتهم ب 150 كلمة ع الأقل هتلاقي إجابتهم هنا https://bit.ly/3u79L1T

لما تخلص هتلاقي Submit Application اللي في الصورة 9 باللون الأزرق اضغط عليها هيفتح معاك رسالة بتقولك مبروك بيقلك انهم استقبلوا الطلب بتاعك وهيردوا عليك بعد 15 يوم ومتقلقش لو اتبعت كل الخطوات اللي في الرابط اللي فوق هتتقبل بنسبة تصل لـ ١٠٠٪

س/ هل أقدر ابدأ الكورسات خلال وقت مراجعة الدعم؟

أيوة، لو عايز تبدأ ف الكورس بقا في نفس الوقت هترجع لصفحة الكورس وتضغط Enroll for free وتدوس بعدها على كلمة صغيرة بالاسفل (audit ) هيفتحلك الماتريال بتاع الكورس بالكامل تقدر تذاكر الكورس -ولكن بدون شهادة ولما الدعم يتقبل تقدر تاخد الشهادة.وهكذا باقي الكورسات لحد متخلص التخصص كله بنفس الخطوات وتكون جاهز للشغل ..

س/ الكورسات دي باللغة العربية ولا الإنجليزية؟.ولو أنا ضعيف في اللغة الإنجليزية اذاكرها ازاي؟

الشرح باللغة الإنجليزية، ولكن لو كنت ضعيف في اللغة الإنجليزية ف لا تقلق عامل حسابك برضهكل اللي عليك تشوف الدقيقتين تلاتة دول هيساعدوك تترجم الكورسات للغة العربية أو أي لغة عاوزها https://youtu.be/6d8fhV610ug

آسف جدا إني طولت عليك يا صديقي، لكن لو كنت كملت البوست من البداية للنهاية ف أحب أبشرك بإنك هيكون ليك مستقبل عظيم لأن أساس النجاح هو الإصرار والاستمرارية ❤️

أنا حريص جدا الكلام دا يوصل لكل الشباب، فياريت تحاول تفيد غيرك بالكلام ده لأنه حقيقي ممكن يغير حياة أي شخص تماما فحاول توصله لكل زمايلك على قد متقدر ❤

الفيديو ده عظيم وشارح برده كل الكلام اللي قلناه فلو انت مفهمتش حاجة من اللي فوق شوف الفيديو ده والل هيكون بمثابة دليل شامل ليك برضه تقدر تعتمد عليهhttps://youtu.be/9Z0iwCAnLmE

ولو انت متعرفش حاجة عن كورسيرا اصلا ولا يهمك تقدر تشوف الدليل ده وابدأ رحلة سعيك الخاصة❤️https://bit.ly/3cA94YR

اخيرا متنساش تكون سبب في نفع غيرك و تغيير حياته للأفضل، بإنك تعمل شير البوست دا وساعدنا نطوّر كل الشباب للأفضل، ومين عالم يمكن تكون سبب في فتح باب رزق وخير لغيرك يفضل طول عمره يشكرك عليه❤

#شير#الساعي_للتعلم_الذاتي#جوجل#شهادات_معتمدة#شهادات_جوجل#كورسات #دورات#فرصة#كورس#دورة #الساعي_للتعلم_الذاتي #التعلم_الذاتي#التعليم#التعلم#تطوير_الذات #التنمية_الذاتية#التنمية_البشرية#الساعي #الساعي_للتعلم_الذاتي

كي لا يفوتك شئ مما نقدّمه, قم بمتابعتنا على المنصات المختلفة

قوالب عربية
السابق
“تنظيم الوقت في رمضان” كيف تُدير وقتك في رمضان؟
التالي
كائنات بحرية مخيفة لم تراها من قبل